عبر الايميل ،
شرفني شاعر مبدع يلقب نفسه بارق الحرف بمجاراة ابياتي :-
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عرضت بيت أبـوي ياعقـاب للبيـع=لكن بقى من بيـن الاضـلاع صكـة
مقبـل علينـا يـوم فرقـا وتوديـع=لـ(( ايام )) عمرً ضمها مـع بلكـة
صح الزمن يفرض على الناس وتطيع=وصح الفراق اقشـر ولا منـه فكـة
لكـن قبـل لايطلـع العلـم ويذيـع=أول شروط البيع (( شارية )) زكـة
وقل له : ترا راعيه وصـى أذا بيـع=بابة مثل ماكـان .. محـدن يصكـة [/poem]
بارق الحرف يقول :-
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قطعت قلبي داخل الصدر تقطيع=وذكرتني ذاك الزمـان ومحكـه
وقت يشرع باب الأحزان تشريع=اليا انقفل جاله نصيـب وفكـه
ادخل معه ذكرى وصوره وتلويع=عمر قضيته بيـن طيبه ومكـه
واعانق احلام الطفوله بتطبيـع=الين يلحقني من الصدق شكـه
مير الزمن بايع ولا فيه ترجيـع=قاسي وسور القلب لازم يدكـه [/poem]
|