سهرت أدوّر ألحان القصيـد ونمـت مـا غنّيـت
ملى صوتي شجَن وأفلت لسانـي حبـل تعبيـره
حرمت الجفن من طعم النعاس ورحت ما خلّيـت
لشعري .. غير حلمٍ من عرفته صعـب تفسيـره
يا عجز البيت قم داو الجروح اللي فصدر البيـت
أبيـه يطيـب بأعيـش الشعـور بـدون تأثيـره
تعبت أحايل إحساسي يفارق صمتـي .. وملّيـت
ما أبي للشعر سيره دام مالي فالهـوى سيـره !
حبيبي لا بكيت من الوصال اللي مضـى وأبكيـت
غـرامٍ ضايقـه حـزن الفـراق وشـلّ تفكيـره
تذكّر كل موعد جبت لك شوقـي معـاي وجيـت
وتذكّـر كـل غيبـه بيننـا لـو كانـت قصيـره
وتذكّر كل نظره من عيونـي يـوم قلبـي ميَـت
وتذكّر كلمة [ أحبّك ] بخوف ودهشه وحيـره ..!
أحبّك كثر ما سوّيت نفسي ما أعشقـك وأخفيـت
كـلامٍ ظاهـره شـوق وهيـام وباطنـه غِيـره
أحبّك كثر ما حاولت أشتـت وحشتـك وأزريـت
وأحبّك كثـر مـا سرّانـي الشـوق فمشاويـره
وأحبّك كثر ما شيّـدت لجروحـك فقلبـي بيـت
وأحبّك كثر ما أخلصت لغلاك .. وكثـر تقصيـره
بغى قلبي يفضفض للزمن عن وضعه .. وعييـت
أنا عاشق ليامن ضاق صـدره \ صـكّ أزاريـره
أخاف يلاحظ الفرقـا بوجهـي عـاذل إن مرّيـت
وتكبر ضيقتي من عالـمٍ فـي عينـي صغيـره
فمان الله وسامحني على النسيان كـان أخطيـت
بأعيش فديره وطاري الهوى والعشق فـي ديـره
عطيت الحب قلب ونبض صادق بس وش سوّيت ؟
عطاني الحب هجرانك وبُعـدك لا كِثـر خيـره !
يا ليت الحب ما يرسم فعيني وجـهَ مـن حبّيـت
عشان إليا رحل عنّي حبيب .. أحب لـي غيـره
لله درك يا شيخ
|