:
:
[poem= font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياشبيه العطر ياكل العذوبه = يامطر لبّس صحاريّه خضاري
امس قررت ابتعد والعلم دوبه = وخافقي للحين ما وقّع قراري
ليش مستعجل على الفقد وحروبه = وليش ترمي ليلك وتجرح نهاري
ماحداني للوداع الا هبوبه = ضاق بي صدري وقدمت اعتذاري
ماني بلعّاب وعروقي لعوبه = ولاني بصيّاد واشواقي قماري
قد بنينا الحب طوبه فوق طوبه = كيف نهدم بعضنا والحب جاري
شوف قلبي من غلاتك شق ثوبه = لين صار بديرة القيفان عاري
وشوف عيني من شروقك لا غروبه = تاكل الحمّيض من جوع انتظاري
وشوف روحي صادقه ماهي كذوبه = واقفه بين اعتزازي وانكساري
وشوف عقلي عاقل بيوم الخطوبه = جا وراح ولا ذكر للعرس طاري
وشوف كفي كنها جيش العروبه = تمسح دموعي وانا اذوق الشباري
وشوف رجلي فالخطر تمشي دروبه = والقلق يمناي وهمومي يساري
وشوف ذنبي فيك مزري لا أتوبه = عايشٍ مابين مسلم وانتحاري
شفت ولا صارت عيونك عقوبه = ماتشوف الا العتب يوم احتضاري[/poem]
:
:
|