مطلق الجبعاء

[align=center]خلاصة الضغوط النفسيه

شي لا إرادي

في جزء من الثانيه

تتجمّع

يسخن الجسم

تغص الكلمات

يضيق التنفس


قالو أنها سلاح المرأه

والرجال يكابرون عنها


ولكن


إذا هي كابرت؟






[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دمعـه تكابـر علـى المحجـر وعيّـت تسيـل = تخـاف تنـزل وينـزل قـدر مـن شالهـا
والعيـن لـو عانـت الأحـزان يـوم الرحيـل = تبقـى أبيّـه عـن الدمعـه ومنزالهـا
ضميتهـا فـي جفونـي غصـب وأنـا عليـل = مابـي خـدودي تعـوّد كثـر همّـالهـا
رفعتها .. لكنها طاحت / وضجّ العويل=بين الحنايا .. وروحي طال زلزالها
سالت وصاح الأمل فيني .. كأنه دخيل=في وجه الأيام .. وأحزاني على حالها
الليله الليل متأنق ورمشه كحيل = أثر الليالي تخفّي شي في شالها؟
شفت القمر مستحي مني وصمته طويل= في خاطره كلمة ٍ للحين ما قالها
ذكراه تضغط على أفراحي .. وحظي قليل=وأحلام الأنسان تيّار الزمن شالها
وأنا عشقت الحزن مغرم ولا فيّ حيل=غير أبتسم للهموم السود وأهوالها
نعم .. تحيزمت للفرقا وصبري صقيل = أطعن به جموع هم ٍ حام خيّالها
وكان المشاعر تعنيني على المستحيل =يا دمعتي طيّحتك .. عزّه لهمّالها
أبحجب الحب عن قلبي وأعيش الرحيل = أبتـرك جميـع المشاعـر تقعـد أشوالهـا [/poem]














المكابر .. يقع بينه وبين نفسه كثيرا ً

عيون الناس تحجبها .. خلوه


والنفس لا يحجبها شي [/align]