اول شي السموحه على الانقطاع عن المنتدى الشامخ لظروف الدراسه


والشي الثاني شرفني اخوي

الشاعر : سعيد الفهري
وهي على هذا الرابط


http://www.montada.mergab.com/showthread.php?t=44230


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بعد شاعر المعنى وظن الرجاء ماخاب=ولو ضاعت الفرصه ما ضاعت فوايدها
اقل الخساير صايرٍ للشعر عراب=يظّهر وجيه القوم والا يساعدها
ومجد الشعر ماهو بسيف عليه نصاب=الامجاد تاريخٍ لو آنا نعددها
وحنا نعرف السيف الاملح من الشعاب=ونعرف الحقيقه قبل لا احدٍ يلهمدها
وانا جتني ارساله تقول ادخل المرقاب=قصيده من الفهري وبسمك مسندها
يبي يبين الصوره على المنظر الجذاب=ولكن بيوته ما تخلي تمردها
على الله بدينا نشرب الما من المشراب=قراحٍ وروده نارده من مواردها
زلالٍ يبل حلوق ويهدي الاعصاب=ويبين عيوب المجتمع ثم يجردها
ويفك النشب لا صك ناب الجما بالناب=وفيه العبر للنفس للي يجاهدها
هلا مرحبا ترحبيبة البدو للغياب=يقوله لساني كل يومٍ يجددها
هلا وارحبوا يالحارثي واثني الترحاب=رفيقٍ علومه عند ربعه تمجدها
يحوز المراجل والشعر طيب الانساب=من اللابه اللي طيبها من عوايدها
من الاد مفلح لغدا الجو زرق احراب=تذوق المراره كل قومٍ تعاندها
رسالتك وصلت والرساله تصك الباب=تطول السوالف لو بغينا نسرمدها
ولا نبغي البترول يقرب من المشهاب=تولع حريقه بالخطا وانتصمدها
وترى الحق يرضي معطي الحق والطلاب=يفرق خطا الزله عن اللي تعمدها
وكلٍ حمى داره من الشر والانشاب=ودارٍ حماها شعبها من تعاضدها
ليا صاح صياحٍ فلا عنها مجناب=يعاند معانده ويوفي معاهدها
وديار العرب وحده نسايب رفق واحباب=على كلمة التوحيد ربي موحدها
ولابيننا مغلوب ولا بيننا غلاب=تساوت حظوظ المجتمع لو نفردها
ولو فرقونا بالمذاهب وبالأحزاب=فلابد من يومٍ علينا نشردها
وختم الرساله وسطها ختم ابن شباب=لهيب الحرايق لازم آنا نبردها[/poem]

bin-shabbab@hotmail.com