,

,



متواضعه جدا ً
تسعد بمصافحتكم
بعد غياب



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بعد ما زان بدعْك يالشعر بسم الله الرحمن=تناسيتك ولكن ما نسيتك وأنت ميرادي
وردتْك مثل ميراد الحِيام إن عجعج الدخان=ولا صدّرت منْك وعاد حاديني معك حادي
نهلت أعذب مناهيلك مثل ما ينهل الفسقان=مناهل غدْر أغادير ومناهل ثروة بلادي
بنات الفكر جالت وإنتهضت وطبّت الميدان=حوافرها تدّك البيد سردادي و مردادي
تمايل كل هزْل / وكل جزل ٍفالمراغه بان=توليته / بعد ما كل هزل ٍ حدّر الوادي
هلا وأرداكم اللي ساسها طيب وبنت حصان=بعد ما دق ناقوس الفكر من نعتة منادي
هلا يا مناديتني للشعر ومداحم القيفان=هلا يا مَن مِن أول ما عرفتك وأنتي امرداي
أشوفك تبطحين وجاتك عيون الشعر ذيدان=تدرهم كن وراها صوت رمي وصيحة معادي
هلا بك وأنتي الغيم وخِياله وأنتي الودّان=هلا بك وأنتي الجو الخَيال الرايق الهادي
جريتي في عروقي لين سوّت فالصدر ريضان=شذاها يجذب اللي في هوا معشوقته غادي
غدا صدري على ودّان غيمك يا ( ... ) وديان=تصب ّ ولا تجفّ ولو تجفّ تعطّل افوادي
حلاك أعذب من الما يا حياتي في فم الضميان=وشوفك عقب عيدين الشريعه ثالث اعيادي
لو الشرقيه بذاك النهار تحس فيني / كان :=لطم في سِيفها سِيف ونبت في قاعها كادي
وذعذع في هواها ريح عود وعنبر وريحان=وغنّى في شجرها كل طير مغرّد وشادي
هلا يا كيف بالي يا غرامي وأول الخلان=من أول ما عرفتك كان ذاك اليوم ميلادي[/poem]

وسلامتكم

,

::

لو إدري إنّك قدر / وإن عشت بآآآمرّه :
سبقت عمري سنين وجيت طواااالي ..!