,
[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ناتج حساب الحب مايبغي إثبات = ثلاث مال لثالثتهن شريده
اما كمالة دين ولا متاهات= ولا على ماقيل جيت بـ / قصيده
ياول طموحات العمر والبدايات = مطامعي ماهي قصيده جديده
ماغير اسلي ضيقة الصدر بأبيات = وارجع على ماضي زماني واعيده
حسبي على الذكرى ليا راحت وجات = وحسبي على ضروف الزمان العنيده
كل ماطرى قلب العنا فايتٍ فات = دريت بإني فاقدٍ لي فقيده
الحظ مره ماهوب عشر مرات = ولحدٍ تجي الدنيا على مايريده
ياقلب والدنيا تجارب ووقفات = اخذ من دروس الحياه المفيده
لا قفى نصيب اللي تحبه وبالذات = واونست بين العوج مثل الوقيده
مامعك غير الصبر في كل الاوقات = حتى لو الموت المحقق على إيده[/poem]
|