[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا شاهدي روس الـرجاجيل زكــّوك = وراسي ولو زكـّاك ماقلت زكـّاك
ماآقول في راسـي بيلحقنـي شكـوك = وأنا قسم بالله ماني بشكـّاك
باب القريحه مابعد ذكر مصكوك = تقدم هجوسي ماتعرف التلكـّاك
مرّات أربــّط كل من كان مفكوك = وأصير للمربوط مرات فكـّاك
وإليا بنيت الحصن ماهو بمدكوك = وماينعمر حصنً غديت إله دكـّاك
قدرت أفرّق بين صكات وصكوك = والشاهد إن الظفر للجلد حكـّاك
وإن القضيّـه بين لايك وملكوك = وإن الريال أنسك من غير سكـّاك
لذلك أنا يا ريالي أبا أشكوك = ليش الذهب حايطك والنفط مبكاك
وأشغلني اللي ما رياله بمسكوك = عنك وسرت شكواي مع درب مشكاك
أما أنت ياللي حايكـو لك وحاكوك = حْياكة اللي من طرف خيط ذكـّاك
مادام ما أنت من الصواديف محكوك = قل لي على أيش الحكحكه والتحكـّاك
أمن الطرق مسكوك مسرع وفكـّوك = ماقالو إيش أضحَكّ والاّ وش أبكاك
مـوْتـَرْك كلّ آبـوه دقشـات وحكـوك = لو هو يفيد بـْك الحكا كان حاكاك
لا تحسب إنك في الفضا سقت مَكوك = إرتاح ياورع أمس لا يكثر حكاك
جيل الوسـايط تمتلكهم وملـكوك = كاكا مكاكاهم وكاكا مكاكـاك !
يوم أحتفو بك وإفرشو لك وراكوك = وش فيك ما تلزم فراشك ومركاك
صلفين الأريـا لو تولـّوك بكــّوك = والله يعينك كانه أزعجهم بكـاك
ماينـْفعك مَن مِن غباهم تذاكـوك = وما ينـْفعك وقت المطاحن تذيكاك
مالك مجال تنـاقض حجَجّ وصكوك = وتـَهرج وكوعك يانما فوق متكاك
حتى تشوف السفن والببس والكوك = تنباع في عُطلان وقِرَبّ وعكاك![/poem]

من الذكـاء متابعة طاش ما طاش
........ وأكبر غباء إنـك تتابع خـواطـر !