[align=center]السلام عليكم ورحمة الله


ابيات على عجاله تقبلوها ,[/align]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا راية العز لولا العز ماخفيتك = خوفي من الناس لا تكثر دعاويها
شلتك بعيني عن الدنيا وخبيتك = أدراك عن عالمٍ ضاعت مباديها
ايه افتخر فيك يوم الفخر من صيتك = تشهد لك الناس قاصيها ودانيها
قلطتك بجوف صدري والحشا بيتك = وابعدت بك عن وجيهٍ ما ندانيها
وحملت رايتك يوم اني تعزويتك = وحذفت لك شيلتي والعز طاويها
ملامحي؟ تشبهك .. مبداي؟ تربيتك = جوارحي ؟ صهوتك لاجلك اعنيها
لا ضاق صدر الزمن جيتك ورزيتك = واعميت من عينه البهتان معميها
اللي جهل رايتك لي ما تعليتك = يبطي وهو يرمي الرميه ويخطيها
عله فدى موطنك حيّك مع ميتك = وعله فدى طاري حروفك ومطريها
أغلى من الروح ومن الروح قهويتك = دلة غلا ما يِلام اللي يقهويها
ما عشت كاني على الدنيا تناسيتك = عصابة الراس من غيرك يعليها
ياراية العز من فيض الغلا جيتك = أبني بيوتي علشانك واغنيها
فزعتك تغني ليا مني تنصيتك = تشوش فيني الحميه يوم اباريها
ما غير عزك جبرني يوم ناديتك = أزريت أكن الخوافي في خوافيها
لبيت لرضاك طاريّك ولبيتك = ولبيت فزعتك لامن حل داعيها[/poem]