[align=center]:[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
رغم ان ضيعتْك ذنبٍ يرتكبْه الزمان=متأسّف لرؤيتِك من عين فكري تطيح
تاريخ روّادك بماضيك شاهد عيان=على انْ حاضرْك بفراش الكسافه طريح
ما عند الانسان غير الموت فكرة ضمان=لذلك المعذرة أرجوك وآبستريح
يا شعر آسف عجزت آكون برّ الأمان=وآسف على شوفِك تْعاني وتركك جريح
وآسف على قدرك اللي مدري شلون هان=من آخرِك بالنبط إلى أوّلِك بالفصيح
راهنت نفسك عليك وما كسبت الرهان=عطشاك تتزاحم لبيرك وبيرك شحيح
كنت أوّل اصدق مع الإبداع في كل شان=رثا/حماسه/غزل/حكمه/هجاء/ ومديح
قلعتْـك كانت فكر مبدع وبابك لسان=وبيبانك الحين واجد .. دون عقلٍ رجيح
اللي تعب فيك ما يلقى لنفسه مكان=واللي لعب فيك .. أهديته فضاك الفسيح
من امرؤ القيس مسرج للتميّز حصان=حتى عثر بك .. وانا بكون جداً صريح
تعيش ؟ ممكن بفضل الإسم وبْلا كيان=يعني ما تفرق معك تغريد وإلا نبيح
كان القبيح ان سلك درب بضواحيك زان=واليوم حتى الجمال ان مرّك اصبح قبيح
لو كان يلمس من اخلص معْك منْك امتنان=ما شفت الاحساس في سجن التصنّع ذبيح
ما تعترف بالأدب والفكر والإتزان=وفي عالمِك لا يصحّ إلا اللي ماهو صحيح
تبي مهابه وتتعاطى اللغو والهوان؟=بلا مطر كيف تقدر تنبت الأرض شيح ؟
سمّيتك ( الضايع الموجود ) يابو البيان=واقعْك ريشة .. وواقع ما حواليك ريح[/poem]

[align=center]
:[/align]