منتديات المرقاب الأدبية - عرض مشاركة واحدة

20-03-2009, 03:14 PM

خلني اعلمك يامطلق ،

هذا مره من المرات المبروكه جيت اكتب قصيده وانا اطيح في قافية ــاهم ويوم وصلت البيت الثالث وانا ادور ادور ادور ولالقيت وانا اخذ يوتيرن واغير القافيه وهي تسلك الشغله ، فعاد يوم شفت قافية الشطر الثاني عندك وانا انقز للبيت الرابع بشوف انت غيرت ولا لا ؟ههه

والله يابو حصه انها قصيده مدري ابداعها طاغي ولا احساسها طاغي بس الوكاد انها احكمت سيطرتها على ذايقتي ، والاهم من ذلك كله شعرك انت وابداعك واسلوبك ، له منهج مختلف واللي يميزه انه يعجب اصحاب الذوايق السليمه فقط وفيه لمحات من ثقافتك ويبرز في قصيدك الجانب الروائي والسيناريو اكثر من الجانب التركيبي اللي بعضه صف كلام على غير سنع ،

مطلق عجل تعال للرياض