قصيده بسيطه اتمنى قبولها
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فتنة الليل راح الليل عندك فقيده = ضاع من نور شمسٍ كل عيبٍ جلاها
كنتي بعين كل الحاضرين الوحيده = في دلعها واناقتها وكومة حلاها
كل قلبٍ خذا له في هواها طريده = بين نعمة نَعمها وانكسارات لاها
وادري انك ريا ليّه وقلبك حديده = مير ذولا عباد الله وهذا بلاها
والحلا فتنة ابن آدم ونبضة وريده = يا يفتّح عيونه يا يقفّل علاها
يوم شفتك وانا من قوم الاريا السديده = راحت علوم راسي كن شيٍ كلاها
كان فستانك الابيض وليده وليده = كيف سيطر على الفتنه وجدد ولاها!
حارب بقوه القوه وكانت عنيده = لين وقفت على حدّه غصب وامتلاها
وكان وجهك حكايه للحياه السعيده = غيمةٍ تستلذ الارض قطرة هلاها
من عيونٍ بلاد ومن رموشٍ بليده = ومن خدودٍ ورود ومن شطيرٍ علاها
ومن فمٍ تطلع احروفه هي المستفيده = تلبس التوت والعطر الطبيعي ملاها
جل من صوَّرك دون الصبايا فريده = هذي الملهمه من جد ولاّ بلاها
ولا انا شاعرٍ ماجاب حاجه جديده = قال ابكتب قصيده وافيه في حلاها
وهي اساساً قبل يوصف حلاها قصيده = بس ماهي بموزونه وترخص غلاها[/poem]

.