[align=center]بسم الله الرحمن الرحيم

الأخوة المرقابيون
الأخوة زوار المرقاب

مساء الشعر والأدب

يشرفني أنضمامي اليكم
كما يسعدني ان أضع اولى مشاركاتي بين ايديكم آملا ان تحوز على رضاكم[/align]


[poem=font="Simplified Arabic,6,black,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وش بقا بي علميني وش بقا بي= في مسا البارح تركتيني نهابه
للوله والشوق واطراف إغترابي= وللوضوح اللي على جال الغرابه
معك ما يمديني احس بغيابي= لو حضوري كان قمة في غيابه
راحتي يا راحتي... لا يا عذابي = كلها الثنتين في عيني تشابه
من عرفتك صارت أشواقي ثيابي = تكتسيني يا بعد روح الكتابه
أسكني يا فاتنه راحة سحابي= المطر شعري واحاسيسي سحابه
واكشفيني من خطاي اليا صوابي= شاعرك يعشق جنونه من صوابه
حضرتك..واقصد بها حضرة جنابي = ما خذيت من الطموح الا سرابه
ولا عجبني بالذكاء.. مثل التغابي= ولا طعني مثل سكين القرابه
في ثنايا العشق طبي وألتهابي= والمحبه والهوى عز ومهابه
لا تخليني على حد إنسكابي = جمّد احساسي او اعلن بانسكابه
لو سألتيني عرفتي وش جوابي= بس انا للحين ابى منك الاجابه
يا تحبيني واحبك.....والا ..مااابي= مابي اسرق حلم توه في شبابه
جاوبيني قبل لا ينصك بابي= والفرح لاصك بابه..صك بابه
يا تعالي واقطفيني من ترابي = والا انا بروح واقطف لي سحابه!![/poem]

[align=center]وسلامة قلوبكم[/align]