الموضوع: اللي صار من طقطق للسلام عليكم ( رحلة البحرين)
عرض مشاركة واحدة
قديم 20-06-2003, 05:52 PM   #2
عكاشه
(*( عضو )*)

الصورة الرمزية عكاشه
عكاشه غير متصل

بيانات اضافيه [ + ]
 رقم العضوية : 98
 تاريخ التسجيل :  May 2002
 أخر زيارة : 15-01-2012 (10:21 AM)
 المشاركات : 6,015 [ + ]
 زيارات الملف الشخصي : 12949
لوني المفضل : sienna


[ALIGN=CENTER]

شكلي ماعاد يحتاج اخذ اذن من الشباب لاني ماعاد بقيت شي بس تدرون خلوني اكمل


مشينا من العمل ( محطة ارامكو رقم 6 بالقرنه بالقرب من مدينة الدوادمي) وكنا انا واعوذ بالله من العنا ومعيض وسهراب وخالد الذيابي لاني انا وسهراب كنا على الدوام المهم مشينا على الفياقرا حق معيض وعلى فكره اول مره اركب فياقرا طلعنا على القويعيه علشان اخذ شريحة جوالي وبعدها واصلنا الطريق وبعد الرياض مباشره وقفنا نتغدى في محطه وشريت شريط عيضه المنهالي ( اهمه) والى هالحين وهو معيض خلوه يجيبه احسن له

وصلنا جسر البحرين وبغينا ماندخل سهراب جوازه ما بقى فيه الا شهر المهم ماقصروا مشونا الوقت كان ضيق مره لاننا الان يمكن باقي على وقت الامسيه ساعتين ولا بعد كوينا الثياب ولا شماغ زايد اللي معي من ايام امسية النعيريه هههههه المهم نزلني معيض وسهراب عند الحلاق ومعي خالد الذيابي وابو يزيد ماصدق قضب الكنب وهات يا نووووم ورجعوا ياخذونا وعلى فندق فيه الشباب متجمعين والمشكله الثياب الى الان ماجت يعني لازم انزل للشباب في اللوبي ماعلي شماغ وطبعاً اجبرت خالد الذيابي ينزل مثلي وهو معه شماغه <--- مضطهد خالد هههههههه نزلنا من السياره للفندق ولقينا الشباب كلهم سلمنا عليهم وسولفنا شوي واخذت لي زاويه بعيده علشان اكتب قصيدة البحرين لاني كنت مشغول بالعمل ومالقيت وقت والبحرين اصلا اكبر من اي قصيده لواجلس سنه اكتب قصيده فيها ماكفاها .. المهم جت الثياب وطلعت انا والذيابي نلبس عند السياره واحصل الاخ ضاوي العصيمي مستلم ثلاجة القهوه بالسياره ويتفاهم معها هههههه كان خرمان للقهوه وماقصر ساعدني بالقصيده ههههه كمل لي قفلة بيت جزاه الله خير وربع تعاونوا ماذلوا ههههههه ( غالي ذهبها) <--- حقوق الطبع محفوظه لضاوي

المهم رحنا للامسيه وخلصنا الحمدلله وبعدها لاعاد تنشدوني لاني راقد لين رجعنا وياليت الشباب يضيفون تعليقاتهم

شفق ياحبي له كان ودي انه معنا ويكفي انه كان معنا بالجوال


ابا اكمل بعدين انشاءالله هالحين طفشت من الكتابه


برررررررررب بطعم الكابرس وسواقه اللي رجعنا من موقف البطحاء ياليييييييييييييييل ما اطووولك[/ALIGN]


 
توقيع : عكاشه


ما عاد فيه احلام تصبح حقيقه = الوقت قاسي والزمن سبعه إعجاف

رد مع اقتباس