منتديات المرقاب الأدبية - عرض مشاركة واحدة

#1 28-03-2009, 01:07 AM

تعبير عن مايجول في الخاطر !

,
,

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
صغير وكبرت وشدّ زندي .. وعيني له=ولا شوف في العالم سوى هامته هامه

في دمّي وفا / له دام لي في العمر ليله=ولو في يدي .. ياخذ من أيّامي أيّامه

تغنّيت في حب الوطن وانتمائي له=تفاخرت في شعبه وعاهدت حكّامه

أطيع الأمير الْيا دعاني وألبّي له=على الكف روح وعزّه وبندق وخامه

جهودي له ( الله لايضرّه ) وقلبي له=يِخَدم الشّعب باخلاص والشّعب خدّامه

وحب الوطن والشّعب ماني موفّي له=لو أملا بقصيدي الكون من شرقه ل شامه

غلاهم يباريني .. وأنا أكبر .. وأباريله=وقلبي عسى الله يهدي كل من لامه

وطنّا لنا أيام وأيام ندعيله=وطنّا يزيد آلامنا حرّ آلامه

نشيله من الأحزان ويطيح ونشيله=ومابين شرّايه ومابين سوّامه

نهاره رجالٍ دون حدّه تحاميله=وليله تناصَفْه الرجاجيل قدّامه

بكى وأغرقت دمعة صروحه مناديله=كأنْه مْحكومٍ ينتظر لحظة اعدامه

يدوّر فرج .. حتى يوقّف على حيله=وبيدين أبنا شعبه يحقّق أحلامه

ياربّي تهجّدنا لك الليل .. ندعيله=ترفرف على عزّه ووحْدََتْه أعلامه

أقوله وأنا متشرّفٍ بـ.. انتمائي له=وأنا درعه اليا قام يزهم وأنا حزامه [/poem].

وتعيشون !