[align=center]تحنّ الخلوج وتزعج الصوت بالونّة
وانا وسط صدري ونّة صوتها خافي
على غيدها تخلج معا لاهـب الكنّـة
وانا ونتي ياخلج مشتـاي مصيافـي
على واحدٍ لامن ظهر للعـرب كنّـه
مطاليع بدرا في مسا ليلـة صافـي
تقارع ضلوعي له ؛ مثل قرعة الشنّة
لبسني غلاه وصار لي مشلحٍ ضافي
احبّه ولا لي فيـه جـودٍ ولا منّـة
وهو مثل مانا خابره بالوعـد وافـي
أذبّ الطويل بحارق الدّمـع وادنّـه
ليا من طرالي بُعد جده من أسلافـي
عليه السلام إذا وقف سايـري منّـه
وعليّ الملامة كان غيـرت ميقافـي
يا سلااام
سلمت يمناك يا أخ محمد على الاختيارات الجميلة
والله يرحم الشاعر حمد العيطلي
تحياتي لك[/align]
|