|
ياصاحبي
السلام عليكم ورحمة الله وبركاته
مشاركة متواضعة للتواصل بعد غيبة مع المرقاب
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصاحبي وش فيك زادت شكاويك = وانت اول اصحابي واعز اخويايه
ان كان قصدك من تشكويك ..تشكيك=جبت الك نبذة عن جفاك ووفايه
العمر كله عشت اهنيك وارضيك = وانته تدور ما يزود عنايه
من صغرنا وانا احتفي بك واداريك = وادللك واوليك كل الرعاية
اتبعك من هاك الليالي واماشيك = ومع جرتك صرت متغرب وتايه
عشت الك مندوب ٍ يطارد مشاهيك = ووسيلة ٍ تاصل بها كل غاية
واصاحب اصحابك واعادي معاديك = وافرش لخلانك وربعك حشاية
وان شفت نبضك زاد والحزن كاسيك= اخذ من احزانك وتاخذ هنايه
واسهر لك عيوني وفكري يراعيك = واحرق لك اعصابي وابرد زرايه
واتهم بزلاتك زماني وابريك = واخلق الاعذار لو كنت بايه
وافك لك يم الهداية شبابيك = وتفك لي بيبان درب الغواية
وكبرت طموحاتك ولقحن امانيك = وزادت على قدرة مداك ومدايه
واليوم كلت خطوتي عن خطاويك = وانا معك حثة خطايه....خطايه
مانيب ماشي خلفك ولا مخليك = ولازم حدانا يفرض اليوم رايه
وانا الزمان اللي مضى عشته اتليك = واليوم خلك ياخويي ورايه
ليتك تقف جنبي ثواني واوريك = شي ٍ لمع للعين وسط المراية
حتى تجي من غير لا امرك وانهيك = وتمشي على رايي وتتبع هوايه
ما عاد باقي وقت اجامل واجاريك = تعبت وانتصفت فصول الرواية
لقبرك ايامك تسابق لياليك = وانته تحسب الكون ماله نهاية
وان ما اعتدلت ابا التفتلك واربيك = واحكمك ثم افرض عليك الوصاية
واحبسك عن تبع الملذات واكويك = بالصبر لين تحق درب الهداية
لو اتركك وردتني للتهاليك = ويوم القيامة صرت سبة شقايه [/poem]
بعد تنثر الذكرى على سكة النسيان = تقول ابتعد وانسى وانا اقول كيف انسى
وانا لا ذكرت ايامنا والغلا اللي كان = اشوف الفراق امواج وعيونك المرسى
دخيلك تعال وبدد بقربك الحرمان = وعلى قلبي اللي مابه..الا انت.. لا تقسى
mf7010@hotmail.com
|