[align=center]

السلام عليكم ورحمة الله وبركاته

اسعد الله اوقاتكم بالخير
وقصيده من وحي الحدث بكل اختصار [/align]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ملك ملوك أفريقيا فيه رجه = والحكم ما ياتي بضحك ورجاجه
ثلثين شعبه داخل السجن زجه = والثلث الاخر وسط عنق الزجاجه
مامن ورا هرج الخبل غير دجه = من أيام صغره فيه حاجه وحاجه !
يعني افهموها لاخذا الفكر سجه = وشلون بالعده 00و يعلن زواجه ؟ !
أعوج ومايل00 تايه الراي 00لجه = لا شك الاعوج ما يشوف اعوجاجه !
في كل دار طبها يثير عجه = يا ثور حتى الثور يعمل عجاجه !
بعض العرب حكامهم مستلجه = يارب تكفينا شرور اللجاجه
ماعاد تقبل منك عمره وحجه = لا تعتذر 00عذرك خبال وسماجه
والديك لو ينفخ بريشه وفجه = تلقى مرد الديك عند الدجاجه
وصقر العروبه ماتهج لمهجه =والذيب ما يسمع كلام النعاجه
من وين ما سافر 00 وراح 00وتوجه =الخير فاله00 والسعد في حجاجه
يارب فكه من عدوه ونجه = يوم الحسد صعبه ويصعب علاجه[/poem]
[align=center]
وسلامة قلوبكم 00[/align]