المشاركة الأصلية كتبت بواسطة مخايل
الصمت ستر الهم والدمـع فضـاح
لاواهني من مـن بكـاه إستراحـي
والدمع طير وضيقة الصدر ملـواح
تدعيه ويجيهـا خفـوق الجناحـي
من وين أجي وأروح ودروبي شحاح
أشقيت رجلي فالمجـي والمراحـي
الحظ أعرفه لاوقـف ساعـةٍ طـاح
خابره ماهو مـن طيـور الفلاحـي
ماني بمستانـس ولانـي بمرتـاح
وقلبي من أحداث الزمن ما إستراحي
فياللي معك لصدور الأجواد مفتـاح
مامعـك لمحاكيـك عـزم وكفاحـي
أنا قضيت العمر مسـرى ومسـراح
ومدري متى الايام تطلق صراحـي
أعد وش باقي من العمـر وش راح
عساي رابح من جميـع النواحـي
صح لسااااانك ولا هنت يا الزعبي
صح بدنك
وشكرا لمرورك الكريم
تحياتي لك