[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قم يانديبي وانحر العربان بيضان الوجيه = على حروفٍ درهمتها في نفود اسلاكها
تشتال اشدّتها حمول الفكر للعقل النبيه = وتاصل مباركها حسب مايشتهي برّاكها
زمْل يتمنى كلّ من عنده دراهم يشتريه = لكنّ ماابيعه بهالدنيا ولا باملاكها
واليا وصلت انشد عن الطحطوح ابو قلبٍ نزيه = رجلٍ يميّز فالعلوم الخافيه وادراكها
الغامدي عبداللطيف الله يرضى لي عليه = نجمٍ سطع ضوّه على ضوّ السما وافلاكها
رجّال قبل يكون شاعر والرجوله ترتويه = واالشاعريّه حبكة شعوره وهو حبّاكها
والنعم فيه النعم فيه النعم فيه النعم فيه = عِدّ البحور الزرق مع حيتانها واسماكها
بانت مواقيفه على وضح النقا من غير ليه = ماحاك خطّه فاشله يوم انّ غيره حاكها
خوي جنب وحافظٍ عهد الصداقه كل ابيه = ماصيّد طيورالنوايا واستحلّ شبْاكها
نظيف قلب ولا تشقلِب قلبه اصابع يديه = ماراح بدروبٍ لحق خوّانها شكّاكها
ماقال هذا ماأبيه وذا أبيه وذا ماابيه = مثل اختيار الغانيه تختار في حيّاكها
واثق بنفسه ماتضايق من مجييّ يوم اجيه = ماقال عيني وانت تكحلها وانا عرّاكها
واضح برايٍ معتبر يالاء لاء ياإيه إيه =يقطف ورود المرجله ويدوس روس اشواكها
سلّم عليه وقول له مالك نظير ولا شبيه = عزالله انّك ياولد غامد رصيد ابواكها
وانا خويّك لن بدا اللازم على اللي تشتهيه = تُحرم عليّه نظرة الرخمه وحس ارباكها
جاك الخبر وانته تميّز سابقه واللي يليه = والدار لازم بابها يفتح على شبّاكها
لاهنت عطنا حلّ يجمعنا وحنا نحتريه = لافرّقتنا شعلة الجمره وريح جراكها[/poem]

ask me