منتديات المرقاب الأدبية - عرض مشاركة واحدة

03-04-2009, 08:07 PM

المشاركة الأصلية كتبت بواسطة محمد المسعري

/
\

.

عزمتني بالمكان ، اللي عزمني عليـه !
ذكرتني فيه ، وانـا فاقـدة مـن زمـان

نفس الكراسي ونفس الطاوله ، والوجيه
ونفس السوالف على بالي[mark=006699] بنفس المكان [/mark]

ينشاف في سلهمة عينك ، وتنشاف فيـه
كان بيديني هنا ، لا بـارك الله بـكـان

لي قلب ، ربي يصبرنـي معـه ويهديـه
مجنون ، واليا وَله ، زاد المحبة جنـان

صحيـح يغليـك ، لكنـه يبيـك ويبيـه
يحس معه بدفا ، ويحس معـك بحنـان

لهفة مجيّك تشابه .. لهفتي يـوم اجيـه
يغيب ، وتبين ، وليا منك سافرت .. بان

خذوني الناس والحظ الردي مـن يديـه
ليته مخون بعهد الحب ، واقول ، خـان

ماقال لي ليـه تجفانـي ولا قلـت ليـه
كابر وكابرت .. حتى قـال : يالله فمـان

ذيك الليالي ، واذا عندك حكـي بتحكيـه
في خاطري شي ، مايقدر عليه اللسـان

يامن معه قلب ، مايحتاج له ، واشتريـه
واصب فيه الغـلا الاول ، واصفـه وزان

قلبي ، على شان طاريه ليـا مـر فيـه
ماعاد تنزل ولا دمعه .. بـذاك المكـان

.

/
\

لله درك يابو مناحي ..

حرام عليك هالظلم