|
لا تناديني
,,
,,
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيّتك من بعد غيبه حلوةٍ \ شينه = أفرح وأنا أدري بعد بكره تخلّيني
يا كبر قلبي .. ليا جيتي تزورينه = يفزّ لك كنّ ما عمرك نسيتيني
غيابك : أقسى جروحه ما ملت عينه = ووصلك : خذا من سنيني \ أجمل سنيني
هذي عيوني وشوفي اللي تشوفينه = في كل نظره ,, بتلقينك وتلقيني
وهذا الخفوق الجريح اللي تعرفينه = اللي بعد غيبتك ما عاد يعنيني
وهذا القصيد الحزين اللي تغنّينه = اللي عقب غاب صوتك ,, طاح من عيني
وهذا الشعور .. اللي إن شافك تخونينه = يخونني مثل ما كنتي تخونيني
من كثر ما أعاني من اللي تحبّينه = صار الزعل بينك وبينه يراضيني
وش يعجبك فالكلام اللي تقولينه ؟ = لا صار يثبت لي إنك ما تحبّيني
أقول لك لا إتطرّينه \ إتطرّينه = طاريه حتّى وهو غايب يعنّيني
تدرين وينه ومع هذا تحاتينه = وأنا ما تدرين وين وما تحاتيني !
غيّرني الوقت ومن اللي تسوينه = صارت تفاصيلي تناقض عناويني
العام شاعر جذب صوته محبّينه = واليوم شاعر وأدوّر من يغنّيني !
باقي للأحلام قلبٍ ضاعت سنينه = من غيبتك .. وإن تركتك لا تناديني
لو [ وينك ] ترد من راح لـ \ منادينه = يمديك عندي من أوّل ما تركتيني
[/poem]
حزينه جتني البارح تغيب فدمعها وتفيق = وأنا أطيق الكلام بحزن ,, بس الدمع ما أطيقه
تقول : إمقابلي ضيقه \ وأقول إدعي عليّ بالضيق = ألا يا ليت كل أيام عمري ,, ضيقه \ بضيقه
|