سداح

لـ المبدع / عبدالله ذويبان



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
خل السؤال يهب في قلبي الجاف=سؤالك أرحم .. من سوالف سخيفه
أبشرك يا اخوك .. مافيني أخلاف=عقلي على قلبي .. و روحي مريفه
تذكر جروحي ؟.. يوم كانت بالألاف=هالحين .. صارت كل ابوها .. طفيفه
يا محمد .. أعذرني اذا صرت ما اخاف=ما عاد أشوف الحب حاجة مخيفه
قلبي غدى بارد .. و شعري .. و الاطراف=كن الزمان يصب فيني .. خريفه
عشقت .. و اهديته تعابير و أوصاف=يا كثر شوقي .. كل ما مر طيفه
ما شاف تضحيتي و عشقي .. و لا شاف=حالي .. بعد جرح الغرام و نزيفه
يغيب .. و تجيبه صدف .. مدري أصداف=و يمر .. في خطوات عجلا .. خفيفه
و اموت و احيا .. و أكتب النور .. و انضاف=للدمع .. و قلوب الرجال العفيفه
مليت من حملي .. و ضايقت الأكتاف=و مليت .. كذب اهل النفوس الضعيفه
يطوف وقتي .. لكن العمر .. ما طاف=تخالفت بالروح .. برده و صيفه
أعيش .. و اتنفس .. و أنا أشوف .. و أنشاف=بعيون قلبي .. لو عيوني كفيفه
لكن على الله .. يصدق الشعر و القاف=عكس الخيانه .. فالبنادم و زيفه
أنا انتظر .. من يملك أحساس شفاف=يصدق معي .. و أعطيه عمري .. بكيفه!!
يحن لي .. أشتاق له كل ما اخاف=لين أنتقاسم خوفنا .. بالنصيفه
يحبني .. و أنبت .. تقاليد و أعراف=و يصير في عرش الخفوق .. الخليفه!!

[/poem]

>> هات و دوك ! <<