مخايل

[poem=font="Simplified Arabic,4,gray,bold,normal" bkcolor="transparent" bkimage="" border="double,3,gray" type=2 line=0 align=left use=sp num="0,black""]

خل العلوم القديمه .. يامحمد قطن ! = ارفع يدك , لا تنبّش كل جرح ٍ عطيب

ارفع يدك , والجروح الموجعه لا سطن = يزيد فيها وجعها من يدين الطبيب

ياليت الاقدام فوق ارض الهوى ما وطن = ولا جابني للعنا درب القدر والنصيب

استغفر الله , ما اقول ان الظروف اغلطن = لاوالله الا الغلط .. غلط مقص الرقيب

صحيح ما يحمل بـ .. روح الاماني بطن = تخلق بلحظه وتحيا , ثم بلحظه تغيب

ويدين الايام ياما آخذن وياما عطن = كم قرّبن من بعيد .. وبعدّن من قريب

ولا درا من درا .. ولا فطن من فطن = الناس لاهين في هذا الزمان العجيب

وانا اونس الفقد واستوحش خطاه ان خطن = يمّي وانادي بـ .. صمتي مير ما من مجيب

آطى على الشوك , كني واطي ٍ لي قطن = من ما تعوّدت .. يوم اني بـ .. داري غريب

لا تصدق .. الغربه انك ما تحصل وطن = لاوالله .. الغربه انك ما تحصل حبيب ![/poem][/quote]





ياسلام عليك يامشعان ... عذبة و صادقة والله
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وانا اونس الفقد واستوحش خطاه ان خطن = يمّي وانادي بـ .. صمتي مير ما من مجيب[/poem]
لا هنت وصح لسانك

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.