لللتواصل مع أجمل تحية لمن مر من هـُنا :
تـكشـف لك الأيام والعرق دساس
و أخذ من اللي جرب الناس حـرزه
عليك باللي خوته ترفع الراس
اللي على يمناك في كل حزه
لا هشت هاش ولا تنومست نوماس
ولا فـز حر وفــزت الـحر فـــزه
هذاك من هو خوته تـذهب الباس
فرز الوغى في ساعة البأس فـرزة
درعك ليا حولت بالسيف والطاس
قتـدمـك وسيفه للمعــاديــن كــزه
يا عنك ما أنت بشاكي الضيم محتاس
لاجاك من صلــفـــات الأيـــام هــــزه
وان غبت مالحقوك بهروج الأنجاس
يحفــظ جـــنابك فـي غـــيابــك مـنزه
أبيض وجه ما جاب ختلات جساس
يــوم ٍ رمــحه في قـــفا كــليب رزة
هذا الخوي اللي يوقر على الراس
اللي تـــفاخـــر فــيه ربــي يــعـزه
ما هو خـوي ضعيف لسلوس هياس
يـــخــذلـك لا صار المـــحك أبلـــمزه
أما ملص لا وحى تقاريط الأضراس
ولا ركز للريح ساقه ورزة
ردي ولا لك منه يا كود الأفلاس
ما هو على خرصك ولا قيس حرزه
وأن جاء مجالك خاس وجه الردي خاس
يلحق على لمـز الخسيسيـن لـمزه
وله على الختلات درقة ومدساس
طبعه وله ختله وطمره و نــقــزه
ما به عجب لا حالف أعيال الأبساس
حيث أنها بشكل والـطرز طــرزه
كب ألردي مالك مع اللاش مجلاس
من أدناة هرجه تـطرحه منك عــنـزه
يوما ً من الحالة إلى بئر هـرماس
أكـن عـظم الـعود الأول و مـزه
وريت في لورنس و أشفـقـت لـدباس
و أعطيت صدر الممـتلي غبن كرزه
حتى غـدا فـالـبـلـورة كـنـه الـمـاس
يـكتب على الـقرطاس من صنع مرزه
لا الوقت ذا وقتي ولا الناس ذي ناس
ولا المال ذا مالي ولا الكنز كنزه
قـل للعيون اللي طرف رمشها هاس
الدمع من كابل إلى قطاع غـزه
وحثّ الضمائر كان باقي بها أحساس
واذا طـلـع واحـد من الألف جــزه
وقل للقلوب اللي تـنسـنس تـنسـناس
تـرفـق على تشرين و أسكان برزه
والدرب واحد لــو تـعـددن .الأوكــاس
من قـبل أبـو غـرزه ومـن بعـد غـــرزه
وأن كان عندك جـرو سميه تـومـاس
وعـلى مــدورة الـعـشا أن جــوك دزه