لـ القدير / عبدالرحمن بن بديع ،
يامرسل محمد بعد عيسـى المسيـح
ياللي نصلي لجل هيبتـك ونصـوم
ياواحـد ٍ- لـرزاق عنـدك ماتبيـح
تحط لي قسم ٍ مـن خيـار القسـوم
وتكشف لي القلب المليح مـن القبيـح
حيث ان وجيه الناس مافيـه وسـوم
وودي اني اقفل كل باب منـه ريـح
وقفل اذني مـن سواليـف الرخـوم
واشري نصيحة صاحب العقل الرجيح
لان النصيحه تنشـرا بيـن القـروم
وياصاحبي لاهنت 0سـدك لايبيـح
بينتّها - وانتـه تظـن انـك كتـوم
ماتدري ان العيـن منطقهـا فصيـح
والصد والاعراض من طبع الخصوم
ومن ضيقتك ماضاقبي الكون الفسيح
ومن صدتك ماني من الرزق امحروم
وياخيبتك دامك من الناصـح جريـح
النُصح لاتاخـذه هـم مـن الهمـوم
اثرك مغرر بيـن تطبيـل ومديـح
غروك ناسك ليـن عـدوك النجـوم
ترا ماكل الناس تهـرج بالصحيـح
لكـن لاتنغـر فـي حـب الخشـوم
الناس لاشرهـت -تقـول وتستبيـح
حتى ولو ضحكت معك 0تِلحقك لـوم
وانا عطيتك نُصح من قلـبٍ نصيـح
وانت اعتبرت النُصح تجريح وهجوم
وانا معك مخلص - ورجالٍ صريـح
لكن تدري ---- قبل كِثـار العلـوم
انا لامنـه صـار قلبـي مستريـح
مالي ورا غـرات خلـق الله لـزوم
من قام حظه قلـت جعلـه مايطيـح
ومن طاح حظه قلت جعلـه مايقـوم
...
|