الموضوع: اللي صار من طقطق للسلام عليكم ( رحلة البحرين)
عرض مشاركة واحدة
قديم 23-06-2003, 02:51 AM   #19
عكاشه
(*( عضو )*)

الصورة الرمزية عكاشه
عكاشه غير متصل

بيانات اضافيه [ + ]
 رقم العضوية : 98
 تاريخ التسجيل :  May 2002
 أخر زيارة : 15-01-2012 (10:21 AM)
 المشاركات : 6,015 [ + ]
 زيارات الملف الشخصي : 12922
لوني المفضل : sienna


محمد الكرشمي


الله لايعيده لاهو ولا كابرسه حلال القووم

لا ويقول لسهراب بالله شوفوا لي وظيفه عندكم هع هع قال يابن الحلال يالله صبرنا عليك بالخط ساعتين تبي تقابلنا هنا بعد
اخلاق سهراب اذا قفلت معه


=================


مدلهم


ابو امثال انك ماشفته علشان ماتستغرب هذا من اللي اذا جاء يمشي يحذف حذيانه تكرمون قدامه مترين يعني لاحس الله يشوف له


=================


عامر عمار
انت يا اخي كااارثه .. والمشكله دائما في النهاايه

===================


شفق

8- محمد خلف سبحان الله هالانسان من يوم تشوفه وهو على طول داخل قلبك وجه بشوش وسمح الله يسمح له ايامه ويسعده .. انقذني من كم موقف خلال اللقاء وهذا يدل على انه متمكن من مهنته ويتعامل معها بشكل رائع

بلا و الله المناشق اللي فقع اذانينا في الرادي خخخخخخخخخخخخخخخخ

الله يذكره بالخير محمد كان مررشح ذاك اليوم ورغم هذا ماشاءالله عليه شعله من الحيويه بس ياخي انت بعد ماعندك ذوق على هالملاحظه اللي حادرتن وادي مثل اللي جابها
<--- على نياته عكاشه عمدة السلام


====================


سعد الشيباني


وربي الظاهر انك بتمووت مانسيت حركااات العربجه الله يرجك

=================


المحقق جــــــود كونن
(ليش لبستوا ثيابكم انت وخالد عند السياره وانتم ساكنين في فندق كيف تجي هذي)
8
8
8
8
يقالها كافشتني

جوووود مزاجنا كذا نلبس عند السياره واللي له قرش ياخذ ريال هع هع<-- يسمع بالاسلوب


================


الجافل


هلابك ومشكوره على مرورك يالنشميه


================


فارس العصيمي

ههههههههههههه ياخووي ما ارتحت لين كلمتك وعلمتك

وسهراب عزالله انه قد توثم فيني قبل ما اعرفه جتني في عصاقيله

===================



شفوووق

اشووفك قلبتها سمردحه ؟ اقولك لا عاد اشوفك موطوط هنا والا ناديت راعي المغاتير يتفاهم معك

==============


سهرااااب

ههههههههههههه ياخووي تلومني اذا صار يمشي ناصر <--- سواق الكابرس مع خط لبخه وحويته<--- هذي بلمكسيك اللي مايعرفها يمشي 160 على النور القصير وطاقيته اللي كنها محقان بس من يوم نزلنا مع القديه الى مفرق لبخه اللي طاحت عندي يمكن سبع مرات اخر شي بغيت احذفها مع الدريشه .. بس ولو وش رايك يوم اني احرجته وخليته يسولف عن راعي الكرسي اللي بالموقف؟


===================

خالد الذيابي


هههههههههههههههه اجل مسكت معكم من اللي يكلم؟ من اللي يكلم؟

هذي ياشباب انا قمت اطفش الشباب كل مادق جوال واحد شبييييت عليه من اللي يكلمك من اللي يكلمك من هو؟ ما اخلي الواحد يتهنى بالمكالمه <--- يقالك دعابي هع هع ومرتن اشغلت خالد من اللي يكلمك من؟ من هو؟ وحذف الجوال علي !! يحسبني ابا انحرج هههههههه اخذت الجوال وعطيته اياه بكل ادب وأول ما أستأنف <---تبطون عظم ماجبتوا مثلها واول جاء يكمل مكالمته وقال ايوه وش كنت تقول؟<---يكلم اللي داق عليه ..
<--- تحسبونه مانقز وقال من اللي يكلم من هو؟ من هو؟


صار خوينا عبدالرزاق الذيابي الله يذكره بالخير ..



خالد اذكر فيه دعوه وجهة لنا بس وين مدري.؟ لان الذاكره صفررر ..

لكن الله يذكرك الشهاده

فعلا اللي قدم الدعوه اقوله الف شكر ومن ذوقك ..

وانشاءالله نحاول نلبيها .. الا اذا الشباب قد لبوها وانا مدري فهذي خياااانه

المهم كل الشباب فيهم بركه ومحل الروح لاعدمتهم ..

ودائما هكذا هي روح الشباب العربي الذي يتوشح بالنخوه ويذود عن حما البلاد وهؤلاء هم الاشاوس <---- مسك خط الله يصلحه

اقوول يامااال الثانكيو لكم كلكم ياللي تفاعلتوا مع الموضوع وياللي قريتوه الا شفق

استروا ماواجهتوا والله يطعمكم خيرها ويكفيكم شرها <---- مال امها داعي بس مالقيت الا هي وقلتها


 
توقيع : عكاشه


ما عاد فيه احلام تصبح حقيقه = الوقت قاسي والزمن سبعه إعجاف

رد مع اقتباس