قصيده رائعه
للمميزه / دارين ،
تنهيدتي موّال يومـي معتـرف بـه ياسـي
ما مر يوم ولا صدحـت بصوتـه و غنيتـه
ليلي وبالثلث الاخير اطريه مـع هوجاسـي
الموت كل الموت في حزني و فـي توقيتـه
من ضيق صدر الامكنه .. قلّو بها جلاسـي
من وسع فجوة هالفراغ ابطيت مـا سدّيتـه
شيّبت راس الصبر لين الصبر شيّب راسـي
كم لي وانا اتحمّل جفا طول السنـه عانيتـه
مليت من طعم الغياب اللـي معبّـي كاسـي
طعم الوصل ما مرّنـي كاسـه ولا عبّيتـه
حتى العروق من البطـا ظميانـه ويبّاسـي
نشفت دماها في رجا ( ياعلّـه و ياليتـه )
يا قصْر حبل الحب مابينك وبيـن احساسـي
يا طول بالي يوم اداري جرحـي بـتسكيتـه
يا كثْر ما قام و لعبّـي فغيبتـك وسواسـي
يا كثْر ماهُدّت ظنون بقـول ( مـا ظنّيتـه )
واثرك هنا في جنّتـك متهنّـي و متناسـي
تارك وراك العاشقه تندب هـواك و صيتـه
وشلون جالك قلب تجرحني كذا يـا ناسـي
ما كنّك اللـي بالليالـي الماضيـه خاويتـه
سبحان من غيّر طباعك يالرفيـق القاسـي
منت الذي فيما مضـى عشقتـه و حبّيتـه
مكتوب اضيّع وقتي ابحبـك ومنْـه آقاسـي
مكتوب اعيش بحزن من صدّك ومن تاليتـه
الا على طاري الحزن .. زكّن على هوجاسي
ليْجيب طاري للغلا لـوّك خـلاص انهيتـه
وان شفت حطاب الهموم اللي مجوّد فاسـي
قلّه ترى قص المشاعر مـن سنـه ملّيتـه
...
|