بغيتها توقيع .. ولا الله قسم



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا راح نصف الليل .. واسدل جناحه = استمتعي بالريح يا هبة الريح
كل الدروب اللي تجيبك .. متاحه = وانا على استقبالك .. اقوم واطيح
مرّي على صدري .. بيوم افتتاحه = واسترسلي .. واخذي من القلب .. تصريح
الله يجمّلني بقول الصراحه = والله يعدّيني عيون المشافيح
انا الغريب اللي .. ذخيرة سلاحه = ماهيب في نطل الغتر .. والمسابيح
العز .. نبراسه ومنهج كفاحه = والصدق يلجم به .. شدوق التماسيح
حطيت في جرد الصحاصيح .. واحه = وابتلشت الواحه .. بجرد الصحاصيح
مدري على عيوني .. تضيق المساحه = والا الزمن غامض .. ويحتاج توضيح
تعبت ادوّر من ورى الصمت .. راحه = واثره عذاب .. اهل القلوب المجاريح
ما كل من ينجح .. يواصل نجاحه = مصير كل اللي تمزهل به .. يبيح
ولو ان في وجه الشجاعه .. سماحه= ما مات شالح .. والعطاوي شليويح!
[/poem]

khalid@mergab.com