السلام عليكم ورحمة الله وبركاته



كيبورديه للتواصل مع قلوبكم



ودمتم ,,,

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



القريحه صار معها على الشّاعر نظام = ما تفزّ الا لعلمٍ يطقّ ابوابها

جنّبت جلّ المشاعر مع جلّ الكلام = واغلب الاحيان صار السّكوت اولى بها

وليلة البارح سرت برد ماقالت سلام = قمت ادوّر لي ذرى من برود اعصابها

استفزّتني وانا كنت راغب فالمنام = وافتحت لي صفحةٍ ما نويت اقرابها

صفحةٍ عنوانها الظلم جزء من الظلام = يمنع العين الصّحيحه تشوف احبابها

والخساره صدّ مقبل يسوق الاهتمام = لا يدور للرديه ولا يرضى بها

واختلاف الرائ ماله صله بالاحترام = والنفوس الطّيبه يكتفى بعتابها

والثّقه بين المطاليق درعٍ فالزحام = والتواصل شيمةٍ لا يقف دولابها

والتّجاوز بعض الاحيان عن سهو الحشام = يمنع الجفوه ويقطع جميع اسبابها

والنقا يردع يد الضّرب من تحت الحزام = والصّحف ماتنقري ,, ينقرى كتابها

والاشاره تكفي الحرّ من دون الانام = مايطالبني بتفسيرها واسهابها

((وقفة الخاطر)) مابين العزيزين الكرام = والله انّي من غلاهم لزوم اشقابها[/poem]