السلام عليكم ،

أبيات كانت تسير لمربع التوقيع ولطلب غالي اسمحو لها ان تكون هنا :-




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
حبيبي هاك قلبي .. وأبحث اللي مشغل ٍ بالك=تصفّح سيرته .. وأكشف خفاياه وتفاصيلـه

من الأرشيف شوف اللي ما شيف وحطّ معدالك=ولا تحكم على دمّه قبل تقرا تحاليله

تنقّـل بين صفحاته مدام البحث يحلا لك=وتابع قصّته مع كل عاشق قام يومي له

صحيح أنّه كبير وكلّ درب ٍ يآصله سالك=لكنّه دون بابه حطّ له .. لفّه وتحويله

علاقاته كثيره مير ما جاته من أمثالك=تجيه من الوهم وأطول علاقه عمرها ليله !

دخلها من طرف واحد وصار الوصل متهالك=وطلع منها قبل تفشي دموعه سرّ منديله

وبعد شمسك بدت تكبر عليه ويكبر ظلالك=تعدّل حال طقسه من غرامك وأعتدل ميله

بدت تلعب هبوبك وألتوا عقدك بسلسالك=وصار اللي ما بين العقد والسلسال يا ويله !

دفع دقـّات نبضه كلها وأمست على جالك=وجلس مع عزف دقاته يغني لك مواويله

رضخ لك لين صرت اللي تجوّل فيه بلحالك=لو أنّه من قديم الوقت ما تشرب فناجيله

ترفّق به ولا ترمي عليه اللي يورّالك=بعيد الشك عن بذرة غلاه وعن محاصيله

تحكّم به على كيفك بعد ما طاب منزالك=على عرشه ولا ترضى على الحاكم بتبديله

يحبـّك والشعور الحيّ .. يحيى له ويحيى لك=يعيش الحبّ لو شان الزمان وقلّت الحيله

كذا والبحث جاري وأنت في حلّك وترحالك=تجرّه مع دروبك لين ترجع في مداهيله

يقولون العرب .. يا حبّ فال الله ولا فالك=وأنا أقول الجفا بلوى .. ويا فرقا من أنتي له ![/poem]


وسلمتوا ،