السلام عليكم ورحمة الله وبركاته







مساء الخير جميعاً

















[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

اثر الرياجيل تفرق بالمدى والعزوم=والطيب كايد وحزّات المواقف محكّ



احد ٍ على اطرف سبب ماعاد يقدر يقوم=واحد ٍ لو تسكّر الدنيا بوجهه ضحك



واحد ٍ يعشمّك وتظنه عزوم ٍ جزوم= لاجيت سرّاك في حكيه ولاسرّحك



شيخ المراكي.. جميل الهرج .. ذيب العلوم = ان ماخسرت بجلوسك معه ماربّحك



طلبت لي اثنين في مكتب بنفس اللزوم = ولقيت مايزعلك منهم ..ومايفرحك



واحد يخلي لزومك صعب ..فوق النجوم = وواحد قبل لاتبدّي حاجتك ينطحك



ابشر .. وحاضر .. ويوم تجيني اعز يوم = وش لازمك ؟؟ يارفيقي طال عمرك .. تحكّ



تفداه خبطة صدور .. الحايصين الرخوم = ماهوب ناهض معك .. لكنّ لايطرحك



والا انت لولا انك ضعيّف .. ومن روس قوم = والله لااحرّج على فعلك معي وافضحك



ترى الكراسي لو تطوّل بها ماتدوم = لاجا مكانك رجل .. خل البشر تمدحك



خلك بشوش الوجه للناس وانت امخدوم = بدال ماياصلك منهم حكي يجرحك



اثر الرياجيل تفرق بالمدى والعزوم=والطيب كايد وحزّات المواقف محكّ



احد ٍ على اطرف سبب ماعاد يقدر يقوم=واحد ٍ لو تسكّر الدنيا بوجهه ضحك[/poem]