منتديات المرقاب الأدبية - عرض مشاركة واحدة

27-04-2009, 01:21 PM

اخطيـت يامتمهمنـي بالجفـا والصـدود
واسرفت بالظن الاثم في حديـث الـرواه

ماهوب انا اللي لسانـه بالامانـه يجـود
مـع كـل ذعـذاع ويغنـي لكـل اتجـاه

واذا معك ماصنعت من الحواجـز حـدود
هذا علشان شخصك في الضلـوع وغـلاه

عطفا على ماسبق مانـي بحاجـة شهـود
احتاج منـك اعتـراف ٍ بالخطـا وانتبـاه

لاتنثر الشوك فـي درب ٍ ملتـه الـورود
قلبي من العام يدرك وش له .. ووش علاه

لو كنت ما اعدّك اجمل ماخلق في الوجـود
ماكنت اشوفك واحس برغبتي في الحيـاه

لـ المبدع / عناد النفيعي

من مربع توقيع خالد السيحاني