[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
ليا حضرو الشّعارصخارة القيفان=وجت ساعة التوقيت فالموقف المشهور
انا شاعر ٍ موهوب وآمثل العتبان=قصيدي يشرفني ولي فالمواقف دور
لاغنيت بالقيفان من هاجس ٍ طربان=اسوق القوافي سوقة الهجن بالباكور
بكار ٍ خفاف ٍ ضمر ٍ من بكار عمان=كالاقواس محنيه من الذيل لين الزور
من الضمر كن هلال الاشهر ليامن بان=مع بطونهن مستبطن ٍ لين حتى الكور
ومن حسنهن لامرن المدرك الفهمان=تخاسر رماشة لحظة ٍ وقتها مهدور
ولن جات حزات المنافس مع الميدان =مايسبقهن ارصاص ٍ مع اطلاقهن يثور
ندور ٍ من الشعر انتقيها كما المرجان=لاغنيت بالمنكوس ولا على المجرور
لو ان والله ان لي وقت عن جرة الالحان=وعلى الشعر مالي هاجس ٍ مندفع وشعور
لاشفة البلاد المسلمه جلّها منهان=وتذكرتلي مجد ٍ تلاشى سواة النور
وجنحبي على الماضي خيالي كما الربان=ورسيت بين احداث تاريخنا المأثور
بدعوة رسول الله وتحطيمة الاوثان=ونور ٍ شمل كوكبك يالعالم المحصور
سلامي على السنّه سلامي على القرآن=سلامي على البيتين والمقدس المئسور
سلامي على غزوة بدر في زمان ٍ كان=طلايع جيوش الحق والبيرق المنصور
سلامي على عرش ٍ تربع به الايمان=سلامي على نصرالعداله وقمع الزور
سلامي على حصون ٍ عمر جوها الآذان=وقناديل ٍ يفرّق ضيها ظلام الدور
سلامي على ركب ٍ رفع راية الاحسان=مارده سموم القيض فالوادي المهجور
هذيه رسالتنا وهذا هو العنوان=لكن نجرفنا مع بحور وخذتنا بحور
وسرنا مع الدنيا وصرنابها شتان=الاحلام ريضان ٍ خضر والقلوب طيور
لكن من غفى في رغد الاحلام والآمان=مصير الزمان يوقّضه والزمان يدور
ويذكر صلاح الدين لامر بالجولان=ويذكر لاجا بغداد ابو جعفر المنصور
[/poem]



وســــــــــــلامــــــــــــــــــتكم