النيره

سرابي الهاجوس من زود السخـا
فوق السحاب وقلب شاعر يحضنه

الخير من فـوق الجبـال منوخـا
والبرق والرعـاد عقلـي يذهنـه

هلت مزونه صبح من باب الاخـا
والنصح والارشاد ما استغني عنه

احترت انا مابين شيّن وبيـن خـا
مـار التجـارب لـلاوادم ممكنـه

جرب صديقك وانت في وقت الرخا
اطلب منه حاجه وتعـرف معدنـه

ان كان رحب بك وهـلا وانتخـا
حطه على يمناك شيـك ٍ تضمنـه

وان كان دنق عن لزومك وارتخـا
حطه على يسراك وش ترجي منه

الطيب بين الناس صقـر ٍ يكفخـا
والجود مده بيـن كفـه وصحنـه

والسيل ما ضر الجبـال الشمّخـا
والارض يجرحهـا وهـذا ديّدنـه

لـ \ مسفر الجعيد
2 \ 5 \ 2009 م