على حاله ..} مكانك يايبه من غبت لين اليوم
وعلى حال المكان أصيح وأذكر ماضي أحواله
كأني به مقر الطيـب مثلـي يايبـه مصـدوم
يدور من لقاه الطيـب بيـن النـاس مدهالـه
الله أكبر
لو إن اعمار خلق الله لها بسوق المنايـا سـوم
ياكثر اللي يبى يرخص من أجلك حاله ومالـه
لانك ماكر ٍ فوقـه مطاليـق الحـرار تحـوم
لهم درع وحجا لا أبدا الزمن سـوّه وغربالـه
الله اكبر
قوي عزوم في وقت ٍ يبى مثلك قـوي عـزوم
على أنه عسر لكنك من أبرز وأطيب رجالـه
بذراعك فيه اخذت المشيخه ما خذتها بختـوم
أهلها فالرخا " قـوم ٍ" لعقـد الحبـل حلالـه
لكّن لو كبرت القاله وعنها أفخت يدين " القوم "
تجي منقادة ٍ عنـدك وعنـدك تصغـر القالـه
الله اكبر الله اكبر
خبا كل الضياء والحزن معتم والأمل معـدوم
بغيـر اللـي عسـاه يظلنـا ويـاك بظلالـه
غيابك عندنا كوم وَ ألـم فقـدك علينـا كـوم
وبعدك أيّات كلمـة تجـرح الخافـق وتغتالـه
بعدك اسأل مسافات التعب من غبت لين اليـوم
عنك وتبدد أنفاسي ليا قالت {علـى حالـه..!}
الله اكبر الله اكبر
الله يرحمه ويرحم اموات المسلمين وجعلها الله أخر احزانك
شكرا على هذا النص الذي عشنا معه الحزن في جميع حالاته واتجاهاته
شكرا رغم هذا الكم الهائل من العذاب
صح الله لسانك ملايين
تحياي
|