الفجر البعيد

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


دار الزمـان وكبـرت الدوّيـره=ورحنا معه من جرف في دحديره
مصايبه منّـا .. وشـرّه منّـا=والخيّره تومـي لهـا الشرّيـره
لولاي أسلّي خاطـري وأغنّـي=وأقول جعل اللي نشوفه خيـره
يمديني أرمي ثوبي من هبالـي=ومع الهبوب أصفّـر بصفّيـره
في كلّ عام يحلّ .. حلّـت علّـه=أمراضنا عيّت تفـضّ السيـره
تفلوزت كـل الطيـور وطـارت=والعلم الأوّل جاك علـم ٍ غيـره
بانت خشوم ٍ دوبهـا مزكومـه=يا ويل أبو خنزير من خنزيـره
جاتك من المكسيك تزحف حتّـى=توزّعت من ديـره إليـا ديـره
مير أذبحوهـا لعنبـو مجناهـا=لـو حلّلوهـا شاربيـن البيـره
اللّـه محرّمهـا بمحكـم قولـه=قبل المرض لا ينتشـر تقريـره
يـا ربّ تحفظنـا وتعفـو عنّـا=رحماك من وقت الشقاء والحيره
اللي بدت فيهم .. لا تبـدا فينـا=للوقت الأغبر ضربـه وتمريـره
ثم عاد نبلش بالجمـل والناقـه=ولا يذبح الجمّال غير بعيـره !
[/poem]


للشاعر المبدع ســداح