يا منتدى المرقاب يمض العمر وتمّر السنيـن
وانت الوحيد اللي ما جالك لا شبيه .. ولا حلي
يوم أبتديت وجيت ما بيـن الثلاثـه والثنيـن
فهقت عنـك الاوّلـه والثانيـه واللـي تلـي
دخلت في سوق الغلا يا راعي الـدرّ الثميـن
والمنتديـات الأدبـيّـة تغـيـض وتمتـلـي
صيتك شهر بين الثريّـا والقمـر والفرقديـن
والجدي وسهيل اليماني يـا رفيـع المنزلـي
قامت تباريك الكواكب من يسار ومـن يميـن
نورك مغطيها وظلّك تحتـه المخـرج ملـي
وشكّلت منظومـة خياليّـه تسـرّ الناظريـن
قلوب تشويها شوي .. وكبود تقليهـا قلـي !
أي والله أحبك وأحب اعضاك وكـل الزايريـن
حبّك من الله والله الوالـي ولا غيـره ولـي
لا تبحث أسباب المحبّه والغـلا سـرّه دفيـن
من يوم ما أفتح شاشتك قامت همومي تنجلي
تاريخ تسجيلي في شهر أغسطس ألفين وثنين
والفضل لله ثم لك .. ماهوب للّه ثـم لـي !
لكن عسى ربي يصونك من عيون الحاسديـن
لولاك ما جرّيت لك صوتي ولا سقت جملي !
لحبيب المرقاب اعضاء وزايرين / الدكتور سداح
|