*
*
(( صوتك البارح ))
مادام لامن جيت.. ماتفـرق السـوم
اكيد لامن رحت ماجيت .. بالفـود
الشعر والشعار في الوقـت بالكـوم
ولا علي ّ ..ولاعلي غيـري الـزود
اللى يجيب الذوق .. مايكسب اللـوم
تنشر له البيضا .. وتطوى له السـود
ومهما عن بحور الهوى نبعـد الحـوم
لابد مانرجع .. بـلا راي .. ونعـود
ياصاحبي مانى على الصمـت ملـزوم
اعجابي المبطي .. بلا شـط وحـدود
والبارحه خايلت لـي بـرق وغيـوم
فوق الحشا هتانها .. جود من جـود
صوتك الى منّك صحيتى مـن النـوم
كنه مقامات الصبا فـي لحـن عـود
سمعتـه البـارح.. ولحّنتـه الـيـوم
هذا وانا مـا املـك مزاميـر داوود
لكن غريق ٍ في البحر يجهـل العـوم
موجود قدامك .. وماهـو بموجـود
من يوم مايصحى الى النـوم مهمـوم
شامخ جسد .. لكن من الروح مهدود
عمر السعاده ماتجـى دايـم الـدوم
لابد يلفي الضيق .. مع هبـة النـود
احيان اقول انى.. مبشّر ب مقـدوم
واحيان اقول انى .. معزى ب مولود
لـ \ محمد السليس
4 \ 5 \ 2009 م