النيره

(( كل الظنون ))

كذّبت كل الظنون و عشت تزويرك ..
ـــــــــــــــــــــــ و إخترت أكون الضحيه بزود تقصيري ..

ألغيت فكري و عشت بوسط تفكيرك ..
ـــــــــــــــــــــــ (إنت أصدق إنسان ) هذا كان تصويري ..

يوم ٍ طالت على دربي مشاويرك ..
ـــــــــــــــــــــــ رحت أتبعك .. لين ملتني مشاويري ..

من شفت زولك و أنا محروم من خيرك ..
ـــــــــــــــــــــــ حتى العمـر قام ما يقبل معاذيري ..

ما كنت عايش على رجوى معاذيرك ..
ـــــــــــــــــــــــ كنت أحلم إن الغرام يفوق تعبيري ..

مليت أسمع خرافاتك و أساطيرك ..
ـــــــــــــــــــــــ إليا متى و إنت تتلذذ بـ تكسيري .. !!

لا جيت أبشره عليك إن شفت تقصيرك ..
ـــــــــــــــــــــــ كني إرتكبت الحرام و حل تكفيري ..

من يوم حبك و أنا أجمع لك نواويرك ..
ـــــــــــــــــــــــ شف وش كثر ماتت بـ ظلمك نواويري ..

هذا إنت .. قاسي .. أناني .. في تعابيرك ..
ـــــــــــــــــــــــ و أنا أرتضي منك لو طوّلت تعزيري ..

فرقاك طالت .. و لا أدري وش مقاديرك ..
ـــــــــــــــــــــــ و بكل صراحه .. أحسه هان تقديري ..

ما هي غريبه تغيب و ما معي غيرك ..
ـــــــــــــــــــــــ بس الغريبه تعيش و ما معك غيري ..

لـ \ مشاري الشليمي

4 \ 5 \ 2009 م