النيره

(( لا تكابر ))

مرحبا يا مِشقي عيوني ومِخلـف ظنّـي
فيك وفصوتك وفـي خطواتـك وفظلالـك

في ضميري كل جـرح يمرّنـي يسكنّـي
وفي غيابك شوق ما يطري فبال وصالـك

كل ما قفّيت كـنّ الحـب مـات وكنّـي
متّ مثل الحب لكـن لا رجعـت أحيالـك

لا تكابر .. دام عمر الحب منـك ومنّـي
خلّ ليل الهجر لو طال السما .. ما طالـك

ودّي أهجي وحدتـي فـي جيّتـك لكنّـي
أنتظرك تسولف عن آخر جروح آمالـك

ايّ كلمه منك تشحـن بالـي وتشحنّـي
أنت نور عيون شعري فالشعور الحَالـك

آخذ أفكار الشعـر منّـك وأجيـك أغنّـي
وأحيي إلهامي بنبض إحساسي المتهالـك

والغزل ماله من شعوري شعور ,, ألا إنّي
أترك أحلام العمر وأنسى الزمن وألجالـك

في لقاك شلون ما أغنّيك وأرضـي فنّـي
والله إن وصفك بديع ومـا يمـرّ فبالـك

إنحنائـاتـك ورزّة عــودك المتثـنّـي
يوم تمشي بين خلق الله وكنـكْ إلحالـك

وكفّك اللي قبل لا يلمـس يـدي يفتنّـي
وعنقك اللي من حلاه إمحلـيٍ سلسالـك

ونظرتك لا قامت عيونك تسولـف عنّـي
ورمشك اللي من سواده جات حبّة خالـك

وعينك الشعلا وحنّـاك وشعَـرك البُنّـي
كلّها متناسقه .. ملامحـك \ وإخصالـك

كل هذا خابـره بـس .. اللـي مجننـي
ليه أحب أقابلـك عشـان أذوب قبالـك ؟

هاك قلبي وإخـذه لقلبـك هديّـه لإنّـي
ما أعيش ألا معاك .. وما أموت ألا لـك

لـ \ بدر العتيبي
4 \ 5 \ 2009 م