[poem=font="Simplified Arabic,4,darkblue,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black""]
لا و الله الا ربـعـن بالحـنـايـا=روابـعٍ تستاقنـي للشقـى سـوق
زادٍ علـى قلبـي لهيـب الكوايـا=والملح في عيني له ايـام مدقـوق
سهـران والتفكيـر سـوّا سوايـا=لا اظلم ظلام الليل ينحرني الشـوق
تقول في صـدري مجابـه سرايـا=في ساحةٍ ما بين لاحـق وملحـوق
ب/اسباب من زينه مغيض الصبايا=زينه طبيعي ما تزيّـن بمسحـوق
الله عطـاه الزيـن جـزل العطايـا=والله فرق زينه على كـل مخلـوق
محدٍ لمح زينـه يـا كـود المرايـا=وأنا عليه احـن واشتـاق واتـوق
جيته وانـا قلبـي يحـث المطايـا=انا وقلبي بيـن سابـق ومسبـوق
ثوب الشرف كاسيه ثقـل وسجايـا=حشمه وادب مع بعد نضره ومنطوق
اذا ضحك تلمح مـا بيـن الثنايـا=من صادق المزنه هماليل وبـروق
واذا مشـى كنـه يـوزع هـدايـا=مجبور بالمشيه تقل صايبه عـوق
عذروبه انـه صـار كلـه مزايـا=وعذروبي اني منه عوّدت مسـروق
واليـوم راح ولا بقـي لـه بقايـا=يا كود ذكرى صورةٍ داخل المـوق
دورت لـه مابيـن بعـض البرايـا=لا هوب مع برقا ولا هوب مع روق
الله يسامحنـي ويمحـي الخطايـا=وانا علـيّ حقـوق وادوّر حقـوق
وانـه يرجـع لـي قليـل الحلايـا=والا يرجع داخـل الصـدر معلـوق
يشهـد علـي الله عليـم النوايـا=اني عليه احـن واشتـاق واتـوق [/poem]
لله درك يا بن مصوّي
وصح لساانك ملايين
..
|