النيره

(( قاف القصيد ))

حي قاف القصيد ان جاك بألحانه ..
.. .. .. .. .. يطرب اللي " يغني " عذب الالحاني !!

ماكتبته حزن والنفس طربانه ..
.. .. .. .. .. كاتبه يوم " شبٌت " نــار قيفاني !!

أسبح البحْر وأحوٌل على الدانه ..
.. .. .. .. .. .. وتاخذ الناس لولوي ومرجاني !!

الهزل ينبطح والسامج وزانه ..
.. .. .. .. .. .. ما عشقت السماجه والعمر فاني !!

شاعر ٍ يعرف اللي ينطق السانه ..
.. .. .. .. .. .. وماتجي سالفه من دن برهاني !!

اصعد الضلع لو يثور بركانه ..
.. .. .. .. .. .. ومنهو اللي بدربي يطرح حصاني !!

ايه ربعي جبال الارض واركانه ..
.. .. .. .. .. .. آآهل المعجزات طوال الايماني !!

الله اللي يعز الناس سبحانه ..
.. .. .. .. .. .. خالق الكون مخزي كل شيطاني !!

يصقط الكذب والتزوير واعوانه ..
.. .. .. .. .. .. ويفرح اللي بقلبه صدق وايماني !!

يزعل فلان والا تزعل فلانه ..
.. .. .. .. .. .. يالله انك لا تِضحِك بي وتبلاني !!

هيه يابنت والاخلاق خربانه ..
.. .. .. .. .. .. مـ اذكر اني تبعت انسان خواني !!

الزمن خان وقتي والشقى صانه ..
.. .. .. .. .. واقشر الحـظ يامرني وينهاني !!

ابتلشت برجال ٍ مالها خانه ..
.. .. .. .. .. في قفاي اشتموني و اقصروا شاني !!

اطلب الله من عفوه وغفرانه ..
.. .. .. .. .. يوم هالناس . . تمدحني وتهجاني !!

لـ \ فهد الجبلي
4 \ 5 \ 2009 م