السلام عليكم


متواضعه أرجو لها القبول ،






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
جهاز قلبي لو يصيح .. أقرب جهاز أقرب جهاز = يرسل ولا يستقبل ألاّ ذبذبه في ذبذبه

.

بيني وبين أهل الهوى تشويش واصواتٍ نشاز = تلعبّ بي الموجات وأعوّد على الطرق ألعبه

.

أنا على شطّ الخليج وشف بالي فالحجاز = ممنوع يقربني وأنا بالمثل ممنوع أقربه

.

صعب آصله .. رغم العلاقه والبطاقه والجواز = دونه تهاتيت الوجيه الذاهبه والمذهبه

.

شبّاب ومطفّي وثارٍ بين نار وبين قاز = وأنا مشبّب ما هويت ألاّ عيون مشبـّبه

.

ياكثر مابيني وبينه من جبالٍ ما تهاز = لكنّ .. يا صفق الهوى ودّ الهوى وإلاّّ جبه

.

أطرّز أشواقي واسيّرها عليه آخر طراز = وسلوكها سلكٍ يجاذبني وسلك أجاذبه

.

العام قلبي من حجر .. واليوم قلبي من قزاز = ويوم أنكسر صدّقني وحلفت له ما أكذّبه

.

ياصاحبي ممنوع حبّ ٍ بيننا وألاّ مجاز = أبكتبه في لوحة العشاق وان متّ أشطبه

.

كسبتني وأبشّرك ناجح بتقدير إمتياز = دامك على وضح النقا حليّت كل الأجوبه

.

ما يجرح الرجّال غير أنه من ارجالٍ عزاز = ويشيلها من لحيته ويحطّها فوق أشنبه ؟[/poem]



وسلمتوا ،،