بويتات على قد الحال

نرجوا لها القبول فقط لاغير


[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] مادام لامن جيت.. ماتفرق السوم = اكيد لامن رحت ماجيت .. بالفود
الشعر والشعار في الوقت بالكوم = ولا علي ّ ..ولاعلي غيري الزود
اللى يجيب الذوق .. مايكسب اللوم = تنشر له البيضا .. وتطوى له السود
ومهما عن بحور الهوى نبعد الحوم = لابد مانرجع .. بلا راي .. ونعود
ياصاحبي مانى على الصمت ملزوم = اعجابي المبطي .. بلا شط وحدود
والبارحه خايلت لي برق وغيوم = فوق الحشا هتانها .. جود من جود
صوتك الى منّك صحيتى من النوم = كنه مقامات الصبا في لحن عود
سمعته البارح.. ولحّنته اليوم =هذا وانا ما املك مزامير داوود
لكن غريق ٍ في البحر يجهل العوم = موجود قدامك .. وماهو بموجود
من يوم مايصحى الى النوم مهموم = شامخ جسد .. لكن من الروح مهدود
عمر السعاده ماتجى دايم الدوم = لابد يلفي الضيق .. مع هبة النود
احيان اقول انى.. مبشّر ب مقدوم = واحيان اقول انى .. معزى ب مولود [/poem]