كل مـا غنيّـت قـاف ٍ يطـرب اللّعابـه
أعترض لي من يقول .. أنته وراك تغنيّ ؟

قلت قصّـاد وعلـى قـدّه يقيـس ثيابـه
قال أردّ العلم عنك .. وقلـت ردّه عنّـي

أثر حتى في الهوايـة مشكلـه وطلابـه
أتركوني ما أحترفت ولا أشتهـرت بفنّـي

والله أنّي مـا دخلـت الساحـة الكذابـه
ولا نزلت بسوق يعننّـي ويـا ذاكنّـي !!

أي وربي ما مسحـت الجوخـه الجذابـه
ولا ترجيّت المشالح بيـن هـنّ وهنّـي

لي سموّي لو سموّ الشيخ ما يرضا بـه
المـدوح الزايفـه لا ينتظـرهـا مـنّـي

أن مدحنا ما مدحنا غيـر أسـود الغابـه
لو عيال الذيب ترقص مع عيال الجنّـي !

عشت يا راسي بخير ولا عليـك رقابـه
يا عسى تفداك روس ٍ خاب فيهـا ظنّـي