صبحكم الله بالخير


مجرد ( تساؤل ) مر في ذهني بـ ( صوت عالي ) !!




[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش شعورك و أنت ما عندك شعور؟=ما تحب .. و ما تحس .. و ما تخاف
ممتلي زيف .. و خيالات .. و غرور=أولك برد .. و نهاياتك جفاف
تدعي بالحب .. و تغير .. و تثور=و تختلق من أصغر الأشيا .. خلاف
أعتذر لك .. ما بقى للنور نور=راح نور الشمس .. وقفه و أنصراف
ما صدق غيري .. و صدقي ما يبور=بيني و بينك مسافه .. و أختلاف
لو يعيش الحب .. ما بين السطور=ماتت الأشواق .. ما بين الحواف
الغلا ما زال خالد بالصدور=و النوايا صافيه .. لو ما تشاف
ليه ألومك بالخطا .. و أنت معذور=يمكن أفعالك لأحاسيسك غلاف
و يمكن اني كنت جاهل بالامور=و انك انت .. تحب و تحس و تخاف !!
[/poem]



اخوكم

عبدالله