يا هاجسي لو الشعر ماهو وسيلـه للبـلاغ
ما كـان نبنيهـا علـى لعلهـا يـا ليتهـا
لكن على الله يستنير الفكـر ويقـرْ الدمـاغ
لاعسكرت سود الليالـي و اختلـف توقيتهـا
نبني من الضيقه فرج/ ويهدّها مليون طـاغ
كثرت طواغيت العرب من يوم شعشع صيتها
ما كل من رام العلا يرقا على شـمْ التـلاغ
اللي قصر من دونها واللـي جـذب تنهيتهـا
لا شفت شمطان اللحا تسعى ورى جلب الدباغ
سلم على الدنيـا وقـول الله يرحـم ميتهـا
هيهات لا دارت رحاة الضيـم وزداد الفـراغ
والله لتبطي نارهـا يـا صـاح مـا طفيتهـا
نثبت نهار الكايده لا مـن ولـد الـلاش زاغ
الصامله هل الفعـل والتايهـه مـن هيتهـا
الحمد لله مـا تبعنـا فـالدعـاوي كـل لاغ
اشـوم عـن درب الـردا وصـد لا مريتهـا
لني موصى للعلا من قبـل لبسـي للشمـاغ
واليوم زانت غترتـي/ تزهـا وانـا زهيتهـا
امد حبلٍ من مسد واصـوغ مـالا يستصـاغ
دام القصايد عزها يـا صاحبـي مـن بيتهـا
ياهاجسي يا هاجسي مال الرسول الا البـلاغ
ياما وياما داخلـي زفـرت غصـب كنيتهـا
لله درك يامحمد المورقي
وصح السانك مدد
قصيده من الى ابداع في ابداع
وسلمت ولاهنت