.
.
لها ثغرٍ كما الجمره, مثل جمر الغضى ثغره
تعضّه بالبَرَد, مدري بـ ياقوتٍ ومحّاري!
انا ادري مُعجزه فيْ الخلق.. واللْه راعي القدره
خلق في ثغرها وصفٍ سوات الثلج والناري
وياسبحان من ولَّف مابين الثلج والجمره!
بوسط النار ثلج, وصار ثلج ونار سهّاري
غريبه مايذوب الثلج!, كيف النار مستعره؟
صداقه بين ثلج ونار فيها الفكر يحتاري
صداقه صادقه قبل امس,واليوم,وبعد بكره
مثل ماني مصادق صادقٍ صادَق لي افكاري
وانا! ماكنت اصدّق من يقول (العشق من نظره)!
وصدّقت المثل بعد الغرام وسمّه الهاري
حقيقة عاشقٍ سيف المحبه غاص في صدره
دخل في خافقه سيف الغرام بحدّه العاري
.
.
|