محمد السواط

قم يانديبـي فـوق صالـون نيسـان
مـن وارد اليابـان يشفـي صنيعـه

النـور طافـي والدركسـون خربـان
والشـك زايـل والغمـاره وسيـعـه

مـن دون مساحـات وقفـول بيبـان
على كـذا.. دايـم يجـي فالطليعـه

ودريوله مـن يـوم جبنـاه وجعـان
بتيـع والحمـى .. فراسـه بتيـعـه

ينصا الشجاع اللي مواريث شجعـان
راع العلـوم االطيـبـات الرفيـعـه

وقله تراني يابيض الوجـه سهـران
من حاجـة بيـن الحنايـا ..فضيعـه

نزف القلم .. يكتب على نزف الانسان
والحق مـن دونـه حصونـاً منيعـه

الناس في ماشوف راضـي وزعـلان
وراع الشريعـه ماحكـم بالشريعـه

راحو هل القالات .. ترثة .. كحيـلان
وطالت وجيه أهل الوجيـه الوضيعـه

وعتابـه الهيـلا ..طويليـن الايمـان
راحـو ضحايـاً للخطـوط السريعـه

مبروك ياشيخ الشيوخ أبـن سـدلان
وأهلاً وسهلاً .. يالطبيب .. الربيعـه

بس .. البدو ماعينو .. شـي يافـلان
وطمعو ..بعد زود الغبـن بالقطيعـه

جنود فالشرطه .. وفي هضبة .. العان
واحوالهـم .. بيـن الاوادم شنيعـه

ياذيب .. عيد فـي جثايـا .. زهيـان
هذا الشطر .. ماله دخل فالقصيـده !!
الرجل فالدنيـا مغـر قلـب ولسـان
ومهمـا تطبـع ماتـزول الطبيـعـه

وانا بقـول اللـي تبيـن .. للاعيـان
والله وديـع اللـي يحفـظ الوديعـه

وختامها .. كـادي وعنبـر وريحـان
ولاحــول والا قـــوة الا بالله !!!

لـ .. راع البل

,